الصديق

الصديق

موكلمن فتحلك بابه يهواك

ولا كلمن يكرهك بابه ينسد

اكو مسدود بابه وكلبه مفتوح

وكو مفتوح بابه أو كلبه اسود

اذا طشيت صحبانك على الماي

اثكلهم وفه جواك يركد

واخففهم يضل طافح على الروج

يروح ويه الجزر ويرجعه المد

اذا محتار سافر تعرف الناس

منو ايزت القطار او يوكف ازيد

اكو اتشده ابحبل ويكطعه ويروح

واكو بكلمه شرف علسجه ينشد

واكو بمشيه قطارك عينه تحتار

اوبالحظه الأخيره اوياك يصعد

واكو ايشيل المحطه ويه القطار

ويدكهه على كلبه اوصدره ينسد

فرق بين اليعبدك بل محطات

او فرق بين البناك ابكلبه معبد

لاتامن بشر من طينه مخلوق

بس 14 طيـــــــــنه محمد

موكلمن ضحكلك منه ترتاح

تره ناب الضبع كل ضحكه ينحد

ولا تحقد على كلمن يبجيك

اذا دمعك طفح صدكني تبرد

البشر دله اويفور ابدخاله الضيم

وذا يطفح دمع نيرانه تخمد

ولا تحقد على الصعدوا بلااجناح

معروف الصكر لوجنحه ينشد

او موكلمن نزل يسمى مذل

ولولا كلمن صعد يسمى امجد

اكو صاعد رغم ماهو عالكاع

وكو نازل يضل لوقمه يصعد

راسك منتصب اعلى من الدين

بس من السهل تتناوشه اليد

وذا عندك جبل خلهم يصعدون

فرق بين الصعد وراد يصعد

اكو ايهده الجبل لو هد الجفوف

واكو ايهد الجبل لو جفه ينهد

اوعله المبرد كفر تنغر الاسيوف

لان سيف اعلى سيف بكلبه ينحد

وذا عنهم رحل كلهم يخسرون

شنو نفع السيوف ابليه مبرد

ومايرحل جذب موخاف يعمون

ويضل السيف تالي ابكصبه ينصد

وذا تعزف لحن ويذمك انسان

لاتكطع كمانك صعبه ينشد

مرات اللحن ما يطرب انسان

او مرات البشر ذاناته تنسد

او مرات الحن يطربه طرشان

بس طبع اليسمعك زور يشهد

على البلبل يكلك منكر الصوت

وذا ينهك حماره ايصيح غرد

وذا حجيك حكم وتخاطب الناس

كل راس على كده وياك ينشد

لان روس البشر عكس الفراغات

كل ماتنترس تستوعب ازيّد

وذا تحجي اويرد صوتك كما كان

يعني اليستمع فارغ مجرد

صوتك مايرده الراسه متروس

لان بس بالفراغ الصوت يرتد

وذا ضيمك كبر لاتحجي بالعين

اوتشوف الدنيه كله ابلون اسود

منو بهذا الوكت ماغيّره الضيم

حتى ابيوم الأحد ماكو احد

لكن لا تضل تحسب توابيت

انى كبلك علي صب اسود العد

ارفعت راسي اوكمت احسب بالعراس

على خشمي سواد الأبيض امتد

ولو غثني الطفل من شفته بالعيد

يشد بجروح ثوبه اودمعه عل الخد

بس اني افرحت جي جبته الطفل

ومسح كل الدموع اوراح عيد

علمنه الطفل نصبر على الضيم

او طلع منه الطفل ايمانه ازيد

اريد اطرح قضيه وانتم اسلام

واريد اسأل جمعكم واطلب الرد

بنيتوا اشكد معابد كلهه عالكاع

منو البيكم بناله ابكلبه معبد

ماكولن كفر لوقلة ايمان

لكن مهزله او ما ألهه احد

لتلاثه الملاهي امفتحه بليل

او بالعشره الجوامع كله تنسد

للشاعر نائل المظفر

حظوة بحرية مؤجلة

خطوة بحرية مؤجلة


كاظم فنجان الحمامي

ألم يأن للذين تعهدوا بمعالجة مشكلة البطالة البحرية في العراق أن يوفوا بعهودهم التي قطعوها علي أنفسهم ؟، أولم يسمعوا بعد بحكاية الجوازات البحرية، التي أوصدت منافذ العمل البحري الشريف بوجه أبنائنا، وحرمتهم من حقوقهم المشروعة في البحث عن أرزاقهم في بحار الله الواسعة ؟، أولم يعلموا أن العراق هو البلد الوحيد من بين أقطار السماوات والأرض، الذي مازال يصر على حجب الجواز البحري عن أبنائه العاملين في القطاع البحري الخاص ؟، أولم يعلموا إن قانون الحرمان الجائر صدر في العام 1986 ومازال نافذا حتى يومنا هذا ؟، ألم يعلموا انه دق أول الخوازيق الصدئة في جسد سفن القطاع الخاص، وأغرقها في بحار الإهمال والركود والتخلف ؟،

والعجيب إن تشريعاتنا في العراق تسمح للناس أن يكونوا وزراء وسفراء بجوازات وجنسيات مزدوجة، لكنها تستكثر عليهم أن يحصلوا على الجواز البحري الذي يفتح لهم نوافذ العيش الكريم، ويحررهم من مخالب الفقر والفاقة، فقد تمادت الدولة العراقية منذ عام 1986 ولحد الآن في وضع القيود والمعوقات بوجه الراغبين بالعمل البحري،

وانفردت من بين بلدان العالم المتحضر في هذا الموقف الغريب والتصرف العجيب، رغم إن ابسط واجبات الحكومات العراقية المتعاقبة تحتم عليها السعي نحو القضاء على البطالة، وتلزمها بتوفير فرص العمل للعاطلين، وتفرض عليها تحسين ظروفهم المعيشية، وتحثها على الارتقاء بمستواهم نحو الأفضل، ثم إن الأهداف الاجتماعية والاقتصادية والسياسية والسيادية المتمثلة في حتمية التنوع في المجالات البحرية المتاحة، وبسط سيطرة الدولة على مسطحاتها البحرية ومياهها الإقليمية والدولية، تستدعي اهتمامها بتشغيل العاطلين، وإلحاق اكبر عدد ممكن منهم في الأساطيل والسفن التجارية المرتبطة بالنشاطات البحرية ذات المردودات الاقتصادية الهائلة.

لقد ضربت البطالة أطنابها في مجتمعنا، وعصفت به نتائجها وتداعياتها وآثارها الكارثية، وأهدرت أبسط حقوقه التي كفلتها له التشريعات السماوية والوضعية، وضمنتها الأنظمة والقوانين والاتفاقيات الدولية الخاصة بحقوق الإنسان. أن ارتفاع معدلات البطالة في ضواحي شط العرب، وعلى وجه الخصوص بين المؤهلين بحريا، يدل على وجود خلل كبير في تقديرات الخطط التنموية والإستراتيجية، ويعكس مدى تفريط الدولة بمصالحها ومصالح أبنائها، ويؤكد على تقصيرها في هذه المسألة، التي لا تحتاج منها أية جهود استثنائية سوى إصدار تعديلات تشريعية عاجلة، تحرر الناس من القيود المفروضة على العمل البحري، وتحفظ كرامتهم، وتجنبهم التعرض لذل المسألة، وتنأى بهم عن تحولهم إلى أداة من أدوات الخلل الأمني.

إننا اليوم في أمس الحاجة إلى استثمار تجارب الدول المتشابهة معنا في الملامح الجغرافية والمعيشية والإنسانية، رغبة منا في تلافي أخطائهم، وتكثيف نجاحاتهم، مع مراعاة تبسيط إجراءات منح الجوازات البحرية وتسهيلها، إنها مجرد خطوة واحدة لا تحتمل التأجيل بعد الآن، خطوة ستفتح أمامنا آفاق العمل البحري الرحب، وستعود علينا بالنفع والخير والفوائد الجمة، لكنها للأسف الشديد مازالت مؤجلة ومعطلة. .

عندي يامولاي بعض الاسئلة

(( عندي يامولاي بعض الاسئلة ))

عندي يا مولاي بعض ألأسئله
الواحد بواحد إذا تضربه شيصير؟؟؟

غير واحد؟ ؟شو غلط بالمسئله؟؟؟

أنت كل واحد تضربه بذو الفقار

ينقسم نصين يطلع حاصله!!!

وينطرح بس ينضرب ما ينجمع

شلون واحد والجمع ما يقبله؟؟؟

سيفك القانون بس محد رضاه

لأن أول سيف ينصف قاتله

وراسك القرآن بس محد قراه

وإنفتح بالسيف مو بالبسمله

يا فقير ومنزلك مثلك فقير

وما كو واحد أعلى منك منزله

الثقل بس ضربتك كلهن سراب

والذهب بس مذهبك كلهن طله

الله ما حطلك ملك للسيئات

ملكينك حسنات إمسجله

على جتافك ينعس ويغفه الملاك

وإنتّ ساجد للصبح بالنافله

ما تنام مخدتك تسأل عليك

وتصبح من الشوق سجادة صله

المشكلة بلا حل تجيهم وإنتّ لا

الحل يجيك وما كو عندك مشكله

إنتّ ما ناطق حرف عن الهوى

يعني لازم حجيك إحنه إنرتلهإ

او والله لو ميت وحي بذاك الزمان

وينقص القرآن إنتّ اتكمله

ناقشوني عالبكي وماي السبيل

وأعتذر مولاي كالوا مهزله

راح أضم وجهي وعليك أبكي بإناء

حتى أراويهم دمعتي إمسبله

تعني قلة مرجلة دموع الرجال

بس عليكم تعني قمة مرجله

إنتّ من النور أصلك والله نور

يعني إنتّ والله تربطكم

أمير الما ينصبونك أمير

صدقوا بهذا ألأمر مو مخطئين

لأن كَالولك عليهم ماتصير

وإنتّ يامولاي أمير((المؤمنين))

نّصّبوا غيرك ولكن ماحجيت

لأن ما محتاجهه ونقسم يمين

لو كنت محتاجهه ترد الزمان

وبحياته ينّصّبك طه ألأمين

وإنتّ رجّعت الشمس إم الحساب

يعني تكَدر يا علي إترجع السنين

مو أمير شلون جا ياهو ألأمير

ما إلك مولاي بالوادم قرين

وكلمن يحطونه غيرك مايصير

إنتّ أصلح لو يحطون الحُسين

وصّه بالثقلين من بعده الرسول

يعني قرآنه وعترته الطاهرين

العترة نسلك ياعلي وإنتّ الكتاب

يعني بس وحدك تعادل ثقلين

شنهي حجتهم علي وما نصبوك؟؟

جنت جاهل؟؟ لا يحيدر كاذبين

إنتّ مو جاهل جنت عمرك صغير

وجانوا إهمه كبار لكن جاهلين

وإنتّ باب الكل مدن علم الرسول

وهمه صاروا من خلالك عالمين

وطالما باب العلم إنتّ وقصير

يعني كانوا من يجوك مدنَكَين

يا إمام إنتّ أوّلي إبّدء الكتاب

الما قروا إنك ولي شربوا حميم

إنتّ باء البسملة ولو ما قروك

تصير(سم الله الرحمن الرحيم)

الدين ما يقبل غلط والشك حرام

الدين حجي الله رب العالمين

شلون أشك بعصمتك وإنتّ الرسول

وصّفّك قران ناطق يعني دين

يعني حبل الله ويكول إعتصموا بيه

شلون مو معصوم يعصم معصمين؟؟؟

لا يسيف الله غيرك ما كو سيف

حتى موتك هم ثبت للعالمين

بالصلاة ضربوك بس ساجد بقيت

وكان راسك منشطر نصف انشطار

ومثل سيفك سيدي شويه إنحنيت

وما تميز يا هو بيكم ذو الفقار

(( للشاعر نائل المظفر))

قصيدة حسبالك نخاف ومانروح نزور

((حسبالك نخاف ومانروح نزور))

حسبالك نخاف ومانروح انزور

توقف بالدرب وكلابك اتهدهن

جماعية المقابر نصها للزوار

مو انت التردهن ذاك ماردهن

علي صاير مجاهد لحيتك شبرين

وثياب الغجر للركبة لابسهن

سفارة بكل بلد مبنية لسرائيل

اذا انت مجاهد روح فجرهن

تقطع راس شيعي وتدعي الاسلام

وبراسك جنان اتريد تدخلهن

عبادة حجارة الشيعة ليش اتقول

لان عقلك حجارة ودني يعقلهن

دقلي انت شمالك من الترب مغثوث

جاي اسجد عليهن ماسجدت الهن

مثل ماحضرتك تسجد على السجاد

شو محد يقلك ليش تعبدهن

قصدنا المحتوى مو بالضريح انبوس

ولا تعني المعادن النا بوستهن

بس ندري بعلي واقف ورى الشباك

واندني الشفايف حتى يختمهن

ينعرفن لأن مادام مختومات

الله يحرم على النار شويتهن

والبطران اجاني يقلي ليش اتزور

ومن يقول القبور اتفيد زايرهن

والك شوف القبب مابيها لذق اتراب

جبرائيل ينزل بيده يمسحهن

لو مسلم صدق اتناقش انا وياك

بس اصلا حرام افكارك اسمعهن

عصت موسى آية وتخدم الأغنام

لأن ربنا الغنم على العِصا فضلهن

وافضل من محمد عندك العصاة

تفاهاتك هذول اشلون اناقشهن

معروفة المذاهب سنة شيعة اخوان

انت منين لا منهم ولا منهن

تضل الخمس الاصول الرابع الكرار

وتبقى السبع الكبائر وانت ثامنهن

(( للشاعر نائل المظفر))

شعر وشعراء

قصيدة يالتزور حسين

حسبالك نخاف ونروح نزور

عندي يامولاي بعض الاسئلة

من سجن لسجن

الصديق

صدك ياوطن باجر امان يصير

المعجزة البيضاء

قصيدة للشاعر نائل المظفر

((يــــالتزور حسين))

يالتزور حسين إصبر لاتزور

إقره ليش حسين قامت ثورته

حتى من تنزل دمعتك عالحسين

تعرف شكَد الثواب بدمعته

تدري ليش الميت ايعصره القبر؟

وتدري شيصيح القبر في ميته؟

خاف حابس دمعة في حق الحسين

اليوم تطلع من ظفر سبابته

تعرف منك شرايد حسين

مو تزوره وأنت جاهل غايته

حسين رايد روح تنهض بالضريح

مو تحط دينار ماهو بحاجته

روح علق قلبك اباب الحسين

وشيل كل هذا الذهب من حضرته

حسين مامحتاج عالقبة ذهب

الذهب محتاجه راح إلقبته

والناس لو تدري الذهب قصد الحسين

جان مانصرت يزيد وخانته

وياهو كَال الشيعة فقدت جم حسين

وياهو كَال هوايه وادم تبعته

صاح صوت امن السما بمقتل حسين

وبعده لسه يصيح محد سكته

شلون مانبجي وندك لاجل الحٌسين

وكل سنة بعاشور ننصب مأ تمه

إنكسر ظهر الكون من طاح الحسين

والجبال من اللطم متثلمه

ولأن ماكو جفوف وتدكَ النجوم

تنهدكَ عا لكَاع وترد للسمه

تدري شنهي المعجزة بلطم الحسين؟

ما تموت الناس لو تمطر دمه

ويه كل جف يرتفع يوكَف مَلاك

شما يدكَ الشيعي صدره يقدمه

وعدنا با لشيعة زلم لولا الملاك

جا صدرها بضربة وحده تهشمه

امي

امــي

العَيْـشُ مَاضٍ فَأَكْـرِمْ وَالِدَيْـكَ بِـهِ

والأُمُّ أَوْلَـى بِـإِكْـرَامٍ وَإِحْـسَـانِ

وَحَسْبُهَا الحَمْـلُ وَالإِرْضَـاعُ تُدْمِنُـهُ

أَمْـرَانِ بِالفَضْـلِ نَـالاَ كُلَّ إِنْسَـانِ ( أبوالعلاء المعري ) * * * * * *

أَحِـنُّ إِلَى الكَـأْسِ التِي شَـرِبَتْ بِهَـا وأَهْـوَى لِمَثْـوَاهَا التُّـرَابَ وَمَا ضَـمَّا ( المتنبـي ) * * * * * *

الأُمُومَه أعظمُ هِبَةٍ خَصَّ الله بها النساء ( ماري هوبكنز ) * * ** * *

ليس في العالم وِسَادَةٌ أنعم من حضن الأم ( شكسبير ) * * ** * *

قلب الأم مدرسة الطفل ( بيتشر ) * * ** * *

من روائع خلق الله قلب الأم ( أندريه غريتري ) * * ** * *

إني مدينٌ بكل ما وصلت اليه وما أرجو أن أصل اليه من الرفعة إلى أمي الملاك ( لينكولن ) * * ** * *

لن أسميكِ امرأة، سأسميك كل شيء ( محمود درويش ) * * ** * *

حينما أنحني لأقبل يديكِ ، وأسكب دموع ضعفي فوق صدرك ، و استجدي نظرات الرضا من عينيكِ . . حينها فقط . . أشعر باكتمال رجولتي